NEMOKAKE GAGASAN SAKA ARTIKEL :MAWA RACUN DADI REBUTAN

MAWA RACUN DADI REBUTAN

Mbiyen ora ana sing nglirik, nanging saiki dadi rebutan. Kepopulerane saya tambah merga pranyata tanduran kang ber-‘racun’ iki manfaate akeh banget. Wiwit minangka bahan baku biodisel, tanduran pelindung, obat tradisional, pakan ternak, insektisida lan sumber pupuk. Apa ta tanduran sing dimaksud kuwi? Ora liya Jatropha curcas alias jarak pager.

Satemene mbah buyut kita wis nate manfaatake lenga jarak kanggo lampu senthir. Saka ngendi mbah buyut kita sinau? Mesthine saka penjajah sing nekakake jarak menyang Indonesia lan mrentahake wong pribumi nandur. . Wektu kuwi pancen lenga jarak digunakake minangka bahan bakar lan pelumas. Sawise penjajah oncat , pribumi wis bebas nanging njur lali yen jarak kuwi kena dijupuk lengane kanggo maneka keperluan. Tanduran jarak saya suda , dadi tanduran liar utawa mung kanggo pager hidup.

 Saiki sawise ndonya rumangsa kekurangan bahan bakar minyak , merga cadangan minyake saya entek, manungsa bali nggunakake lenga jarak minangka bahan bakar disel. Yen dibandhingake karo BBM, lenga jarak luwih nguntungake merga sumbere ora bakal entek ,angger gelem nandur. Kamangka nandur jarak kuwi super gampang. Cukup distek ( dibacok uwite) terus diencebake lemah , diumbar wae mesthi thukule. Tanduran jarak ora mbutuhake perawatan , ing lemah cengkar wae bisa urip lan uwoh, apa maneh yen lemahe subur. Merga saiki akeh sing mbutuhake, rega isi jarak kering 7.500-10.000 repis sakilone.

Isi jarak  kang wujude lonjong kaya mlinjo, duwe efek iritasi lan racun. Ing Filipina isi jarak kang mawa racun iki dimanfaatake kanggo mbrantas cacing hati lymneae auricularia, minyake kanggo mbrastha keong emas lan keong vector penyakit schistosomiasis ( cacing darah) sing endemik ing 70 negara tropis   lan nginfeksi luwih saka 200 yuta manungsa. Ing Meksiko, isi jarak digunakake kanggo mbasmi tikus . Ing Inggris, isi jarak dadi mala merga dipangan bocah njalari keracunan nganti ana 30 bocah. Ing kene wis akeh bocah ngedan sengaja pengin mendem kanthi ngonsumsi isi jarak iki. Kamangka racune njalari iritasi ( njalari mlepuh lan mlicet ) marang organ kang diliwati, mumet lan mutah-mutah, malah yen over dosis bisa niwasake. Senyawa aktife , phorbol aster, yen kliwat taker bisa nuwuhake tumor.  Mula dieling-eling “ Don’t try it at home!”

Yen pengin mafaatake jarak minangka obat tradisional, niru wae cara-cara sing wis kebukti aman, umpamane : godhong jarak dioser-oseri lenga  terus digarang / dipanggang nganti alum ditempelake ing weteng sing kembung , weteng bakal krasa kepenak. Godhogane oyot jarak dipercaya bisa ngatasi radang paru lan sipilis. Kulite wit kanggo bobok rematik. Tlutuhe kanggo ngobati infeksi cendawan ing cangkem lan sariawan.

Merga bisa urip ing tanah kang tandus, jarak kena kanggo nahan erosi. Oyote kang pating pecungul bisa dadi dam kang ngurangi kecepatane banyu mili nggawa lendhut. Efeke saya akeh banyu kang ngresep menyang lemah kang bisa diisep dening sawernane tanduran. Ing dhaerah panas kaya ing Arab , jarak ditandur kanggo nahan angin merga tanduran liya ora tahan panas. Sejene kuwi jarak uga ditandur kanggo nglindhungi tanduran liya saka ternak sing arep mlebu menyang pekarangan lan mangan tanduran kebon.

Jarak uga kena kanggo insektisida. Godhong jarak sing dijur , banyune bisa mateni kumbang jagung Callosubruchus chinnensis lan kumbang pemakan biji Sitophilus zeamays. Lengane bisa njalari ‘kerdil’ keturunane laler , elare laler dadi njlekithut wusanane populasine mudhun.

Bungkile jarak sawise lengane diperes, bisa didadekake pupuk organik sing komposisi minerale sebandhing karo pupuk kandhang (ayam). Bungkil iki sawise dipanasake lan diproses sacara kimiawi kanggo netralake racune,  bisa dipakakake ternak. Nilai gizine sebandhing karo kedhele.         

( sumber : Trubus 438 )

Nemokake Gagasan Utama Paragrap

            Saben paragrap kuwi dumadi saka ukara inti, banjur diweni ukara-ukara panjelas. Saka ukara inti kita bisa meruhi gagasan utamane paragrap .

Tuladha :

Mbiyen ora ana sing nglirik, nanging saiki dadi rebutan. Kepopulerane saya tambah merga pranyata tanduran kang ber-‘racun’ iki manfaate akeh banget. Wiwit minangka bahan baku biodisel, tanduran pelindung, obat tradisional, pakan ternak, insektisida lan sumber pupuk.

Ukara kang kacithak miring minangka ukara intine. Ukara iki minangka wedharing gagasan kang kepengin diandharake  yen mbiyen ora ana sing nglirik, saiki dadi rebutan.

GLADHEN :

1.   Tulisen ukara pokok lan ide pokoke  paragrap ing ngisor  iki !

Satemene mbah buyut kita wis nate manfaatake lenga jarak kanggo lampu senthir. Saka ngendi mbah buyut kita sinau? Mesthine saka penjajah sing nekakake jarak menyang Indonesia lan mrentahake wong pribumi nandur  Wektu kuwi pancen lenga jarak digunakake minangka bahan organ lan pelumas. Sawise penjajah oncat , pribumi wis bebas, nanging njur lali yen jarak kuwi kena dijupuk lengane kanggo maneka keperluan. Tanduran jarak saya suda , dadi tanduran liar utawa mung kanggo pager hidup.

     

2. Tulisen ukara pokok lan ide pokoke  paragrap ing ngisor  iki !

Saiki sawise ndonya rumangsa kekurangan bahan bakar minyak  merga cadangan minyake saya entek, manungsa bali nggunakake lenga jarak minangka bahan bakar disel. Yen dibandhingake karo BBM, lenga jarak luwih nguntungake merga sumbere ora bakal entek ,angger gelem nandur. Kamangka nandur jarak kuwi super gampang. Cukup distek ( dibacok uwite) terus diencebake lemah , diumbar wae mesthi thukule. Tanduran jarak ora mbutuhake perawatan , ing lemah cengkar wae bisa urip lan uwoh, apa maneh yen lemahe subur. Merga saiki akeh sing mbutuhake, rega isi jarak kering 7.500-10.000 repis sakilone.

3.   Tulisen ukara pokok lan ide pokoke  paragrap ing ngisor  iki !

Isi jarak  kang wujude lonjong kaya mlinjo, duwe efek iritasi lan racun. Ing Filipina isi jarak kang mawa racun iki dimanfaatake kanggo mbrantas cacing hati lymneae auricularia, minyake kanggo mbrastha keong emas lan keong vector penyakit schistosomiasis ( cacing darah) sing endemik ing 70 negara tropis lan  lan nginfeksi luwih saka 200 yuta manungsa. Ing Meksiko, isi jarak digunakake kanggo mbasmi tikus . Ing Inggris, isi jarak dadi mala merga dipangan bocah njalari keracunan nganti ana 30 bocah. Ing kene wis akeh bocah ngedan sengaja pengin mendem kanthi ngonsumsi isi jarak iki. Kamangka racune njalari iritasi ( njalari mlepuh lan mlicet ) marang organ kang diliwati, mumet lan mutah-mutah, malah yen over dosis bisa niwasake. Senyawa aktife , phorbol aster, yen kliwat taker bisa nuwuhake tumor.  Mula dieling-eling “ Don’t try it at home !”

4.   Tulisen ukara pokok lan ide pokoke  paragrap ing ngisor  iki !

Yen pengin mafaatake jarak minangka obat tradisional, niru wae cara-cara sing wis kebukti aman. Tuladha mupangate, godhong jarak dioser-oseri lenga  terus digarang / dipanggang nganti alum ditempelake ing weteng sing kembung , weteng bakal krasa kepenak. Godhogane oyot jarak dipercaya bisa ngatasi radang paru lan sipilis .Kulite wit kanggo bobok rematik. Tlutuhe kanggo ngobati infeksi cendawan ing cangkem lan sariawan.

5.  Tulisen ukara pokok lan ide pokoke  paragrap ing ngisor  iki !

Merga bisa urip ing tanah kang tandus, jarak kena kanggo nahan erosi. Oyote kang pating pecungul bisa dadi dam kang ngurangi kecepatane banyu mili nggawa lendhut. Efeke saya akeh banyu kang ngresep menyang lemah kang bisa diisep dening sawernane tanduran. Ing dhaerah panas kaya ing Arab , jarak ditandur kanggo nahan angin, merga tanduran liya ora tahan panas. Sejene kuwi jarak uga ditandur kanggo nglindhungi tanduran liya saka ternak sing arep mlebu menyang pekarangan lan mangan tanduran kebun.

Wacanen sepisan maneh crita ing dhuwur banjur wangsulana pitakonan-pitakonan ing ngisor iki!

1.      Geneya jarak dadi popular maneh ?

2.            Apane sing bisa dimanfaatake saka tanduran jarak ?

3.            Jelasna geneya jarak kena kanggo nahan erosi!

4.            Geneya ing Arab jarak dipilih kanggo nahan angin?

5.            Manut panemumu , kira-kira apa sebabe bocah-bocah kepegin mendem jarak ?

6.            Apa kang bisa koktiru saka isine wacan ing ndhuwur ?